أضحي بالعمر كله ... لجل ساعه بـــ (( شلتنا ))

من طرف **اسيرة الدمعه** الأحد أكتوبر 05, 2008 4:20 am

وحشني شوفة أصحابي وربعي والغلا مستور
أخبي عبرتي لامن ذكرت بيوم جمعتنا

تغير قولتي [أبله] وصرنا نقول يادكتور
نقول [القاعه] يادنيا زمان نقول حصتنا

جلست بداخل القاعه ذكرت أيامنا بالدور
وضحك ٍ كان يحوينا ولا تكفي شطانتنا

نزعل بعضنا أحيان ولكن مانعرف نجور
ونرجع من بعد زعله ترجعنا صداقتنا

نحاتي بعضنا دايم ويعجبنا رجل مشهور
سوالفنا عن الموضه عن الحب وعلاقتنا

وهذا اليوم قد صارت (سنتين) راحت معاها شهور
وأفكر كيف هالدنيا خذت منا وناستنا

أنا مابين ناس أغراب وسط قاعه مع دكتور
أحاول أخنق العبره وأنا أذكر كل حكايتنا

سمعة أغنية ٍ جابت من أقصايا بقايا شعور
يغنيها علي محمد وهي اعيال حارتنا

رجا فيها الا دنيا الا ليت الزمان يدور
ويرجع وقتنا الاول وننعم في بساطتنا

وأنا رديت في بيت ٍ من الخافق ولامكسور
أضحي بالعمر كله لجل ساعه بشلتنا

وأبيع الناس والعالم ومستقبل وراه قبور
وكل ٍ راح يمشي له طريق يقول:عيشتنا!

أنا مابي سوى لحظه وعلى الفرقا أنا مجبور?
نظيق اليوم من يقدر يبدل وضع ضيقتنا!

ظلام ٍ دامس ٍ موحش أنادي فالخفا يانور?
أبي ربع ٍ ليا من طحت عرفت شلون قيمتنا!

بساطه في فرح دايم غلا صادق وله وسرور?
نخطط كيف بالكذبه نضيعها دراستنا!

تخرجنا نعم أدري وكل ٍ داخله مقهور?
فرح لكن مع الفرحه دموع تضم حفلتنا!

بكينا والبكى فينا ولا لحظه أبد مهجور?
دموع ٍ حرفها صادق وتعرف كيف وحشتنا!

تعرفنا على ناس ٍ جديده والغلا مستور?
ولاحد ٍ يوصل لحب ٍ جمعنا وسط شلتنا?
.

.